У Мінскім каледжы невядомыя распылілі газ
Здарэнне адбылося апоўдні 20 траўня ў каледжы на вуліцы Прытыцкага.
Як паведамляе прэс-служба Міністэрства па надзвычайных сітуацыях, выявілася, што невядомыя распылілі невядомае рэчыва на першым паверсе каледжа ў памяшканні мужчынскага санвузла. Мяркуецца, што невядомым рэчывам быў пярцовы газ.
Атручванне газам атрымалі чатыры навучэнцы 16-18 гадоў. Пасля меддапамогі іх адпусцілі дадому.
Эвакуяваць навучэнцаў і выкладчыкаў не давялося. Акалічнасці здарэння высвятляюцца.
