У Мінску адбыліся збоі з электразабеспячэннем
Здарэнне зафіксавалі ў ноч з 13 на 14 ліпеня.
Як паведамляе БЕЛТА, з-за старэння ізаляцыі быў пашкоджаны кабель паміж трансфарматарнымі падстанцыямі, размешчанымі ў завулку Велазаводскі і на Партызанскім праспекце. У выніку, часткова без электрычнасці больш чым на гадзіну апынуліся жыхары дамоў на вуліцах Васняцова, Народнай і на Партызанскім праспекце (11 шматкватэрных жылых дамоў).
З той жа прычыны быў пашкоджаны кабель паміж падстанцыямі на вуліцы Пляханава. Без электрычнасці на 35 хвілін засталіся 5 жылых дамоў на вуліцах Якубава, Пляханава і праспекце Ракасоўскага.
Агулам збоі з электразабеспячэннем узніклі ў 16 жылых дамах у Мінску.
Фота — ria.ru
