У Мінску гарэў дах навукова-практычнага цэнтра (фота)
Здарэнне адбылося раніцай 13 сакавіка, пацярпелых няма.
Раніцай 13 сакавіка ў Мінску на Даўгінаўскім тракце загарэўся дах трохпавярховага будынка, у якім месціцца дзяржаўная ўстанова "Рэспубліканскі навукова-практычны цэнтр трансфузіялогіі і медыцынскіх біятэхналогій". Як паведамляе прэс-служба МНС, узгаранне адбылося падчас рамонтных работ. Яго ліквідавалі самі рабочыя, яшчэ да прыезду выратавальнікаў. Пацярпелых няма.
Мяркуецца, што прычынай пажару стала парушэнне супрацьпажарных патрабаванняў падчас правядзення агнявых работ.
Фота: МНС
