У Мінску пачалі выкарыстоўваць новы метад рамонту дарог

Новы метад рамонту дарог пачалі выкарыстоўваць у беларускай сталіцы. Тэхналогія тэрмарэгенерацыі дазваляе цалкам абнаўляць дарогі, выкарыстоўваючы старое пакрыццё.  Як паведамляе агенцтва "Мінск-навіны", падчас такіх рамонтных работ спачатку здымаецца разагрэты верхні слой асфальту, там жа, на месцы, яго перамешваюць, дадаюць бітум і зноў укладваюць. А каб пакрыццё магло даўжэй служыць, зверху робіцца "абарончы слой".

Спецыялісты сцвярджаюць, што пасля такога рамонту дарогі можна эксплуатаваць у сярэднім каля 7 гадоў.

Тэхналогія тэрмарэгенерацыі ўжо выкарыстана падчас рамонту дарогі каля рынку "Ждановічы", цяпер на чарзе вуліца Ф. Скарыны.