У Мінску стануць развіваць вертыкальнае азеляненне

У сталіцы будуць развіваць вертыкальнае азеляненне, перадаюць "Мінск-Навіны". Зоймецца гэтым УП "Мінскзеленбуд"разам з жыллёвымі арганізацыямі.

"У старых кварталах пяціпавярховай забудовы такое азеляненне прыжылося, – адзначыў старшыня Мінгарвыканкама Мікалай Ладуцька. – Трэба яго распаўсюдзіць і на новыя жылыя раёны. Тым больш што шматгадовыя павойныя расліны патрабуюць мінімальных выдаткаў і не маюць патрэбу ў старанным доглядзе."

На прадпрыемстве УП "Мінскзеленбуд" вырабляюць канструкцыі для вертыкальнага азелянення і да вясны наступнага года іх выставяць на продаж.