У Мінску сёння пачалі адключаць гарачую ваду

Гарачую ваду пачалі адключаць сёння камунальныя службы ў Мінску. Як заяўляюць сталічныя ўлады, прымаюцца захады па скарачэнні тэрмінаў адключэння гарачага водазабеспячэння.  Як паведамляе БелаПАН, у выпадку паспяховых выпрабаванняў трубаправодаў цеплавых сетак і адсутнасці дэфектаў, якія патрабуюць выканання незапланаваных рамонтна-аднаўленчых працаў, тэрміны адключэння не будуць перавышаць 14 сутак.

Нагадаем, напрыканцы красавіка старшыня Мінгарвыканкама Міхаіл Паўлаў запатрабаваў ад камунальных службаў скарачэння тэрмінаў рамонтнай кампаніі.

Адключэнні гарачай вады ў Мінску працягнуцца да 1 верасня.