У Мінску затрымалі пастара Яраслава Лукасіка

Супрацоўнікі КДБ затрымалі ў Мінску ў пратэстанскай царкве «Яна Хрысціцеля» падчас набажэнства пастара Яраслава Лукасіка.  Грамадзяніна Польшчы адвезлі ў міліцыю Цэнтральнага раёну сталіцы. Нагадаем, раней дзяржбяспека загадала Дэпартаменту міграцыі скасаваць пастару дазвол на знаходжанне на тэрыторыі Беларусі і дэпартаваць яго з краіны.

Лукасік, нібыта, «сваімі дзеяннямі пагражае дзяржаўнай бяспецы». 

Пастар Яраслаў Лукасік звярнуўся у суд са скаргай. Ён прасіў патлумачыць сапраўдную прычыну сваёй дэпартацыі. Грамадзянін Польшчы мае права знаходзіцца на тэрыторыі Беларусі да 7 чэрвеня.

Радыё Свабода