У Мінску жыве 37 жанчынаў, старэйшых за 100 год
У Мінску на ўліку ў органах соцабароны знаходзяцца 37 жанчынаў, узрост якіх болей за 100 год, а вось такіх мужчынаў у сталіцы ўсяго 9.
Сярод пенсіянераў ва ўзросце старэйшым за 70 год лідэрства паводле працягласці жыцця таксама ўтрымліваюць жанчыны. Такіх у сталіцы болей за 97 тысяч, а вось мужчынаў ад 70 год у Мінску крыху болей за 39 тысяч, паведамляе БЕЛТА.
І наагул жанчынаў у Мінску болей, чым мужчынаў — 54,1% ад агульнай колькасці насельніцтва. На адну тысячу мужчынаў, паводле звестак апошняга перапісу, прыпадае 1177 жанчынаў.
