У Мінску знайшлі бардэль у лазні

Сталічныя міліцыянты выкрылі бардэль, які размяшчаўся ў сауне УП "Вактоп" на вуліцы Лынькова. Следчы аддзел пачаў крымінальную справу на адміністратара саўны, паведамляе "Ежедневник". Па звестках праваахоўнікаў, бардэль у саўне існаваў і карыстаўся ўстойлівым попытам з сярэдзіны 2003 года. Росквіт бізнэсу прыпаў на 2008–2009 гады. Агулам у штаце бардэля было больш за 15 дзяўчат.

Саўна трапіла на вока міліцыянтам, калі адміністратар установы пачаў наладжваць канал паставак беларускіх дзяўчат у замежныя бардэлі.