У Мінску зносяць аўтавакзал "Маскоўскі" (фота)
На скрыжаванні вуліцы Філімонава і праспекта Незалежнасці працягваецца дэмантаж аўтавакзала.
Рабочыя ўзяліся за справу паўтара месяца таму і за гэты час амаль знеслі будынак, піша onliner.by. Ад найлепшага архітэктурнага аб'екта 2002 сёння застаюцца толькі руіны: фрагменты крылаў і вежа.
Скончыць падрыхтоўку тэрыторыі да забудовы павінны ў лістападзе 2014 года. Потым на месцы вакзала пачнецца будаўніцтва шматфункцыянальнага комплексу кампаніі "Газпрам". Аб'ект будзе ўключаць у сябе офісы, гандлёвы цэнтр, гасцініцы, паркінг. Праект павінен быць рэалізаваны да 2018 года.
Фота — onliner.by
