У Мінску з'явяцца вуліцы Александроўскай і Станюты
Новыя, запраектаваныя вуліцы будуць насіць імёны дзеячаў культуры і мастацтва.
Як паведамляе агенцтва “Мінск-Навіны”, такое рашэнне прынятае на 5-й сесіі Мінскага гарсавету. Новая вуліца ў Зялёным Лузе ў раёне вул.Кальцова, будзе названая ў гонар славутай опернай спявачкі Ларысы Александроўскай. Сёлета якраз спаўняецца 110 гадоў з яе нараджэння.
Яшчэ адна вуліца ў тым жа мікрараёне атрымае імя акторкі Стэфаніі Станюты — легенды Купалаўскага тэатру.
Трэцяя вуліца, якую праектуюць у раёне вуліцы Жасмінавай, будзе названая ў гонар кампазітара Яўгена Глебава.
