У новы "Амерыканскі пірог" вернуцца былыя ўдзельнікі

Кінакампанія Universal Pictures даручыць пастаноўку чацвёртай часткі моладзевай камедыі "Амерыканскі пірог" Джону Хэрвіцу (Jon Hurwitz) і Хэйдэну Шлосбергу (Hayden Schlossberg), якія працавалі над карцінай "Гаральд і Кумар: Пабег з Гуантанама".  Пра гэта паведамляе рэсурс Risky Business. Рэжысёры будуць здымаць фільм па ўласным сцэнарыі, пісаць які яны ўжо пачалі. Паведамляецца таксама, што яны збіраюцца вярнуць у карціну большасць удзельнікаў папярэдніх фільмаў серыі.

Нагадаем, што ў "Амерыканскім пірагу" і яго сіквелах здымаліся Джэйсан Бігс, Шон Уільям Скот, Шэнан Элізабэт, Тара Рэйд, Міна Сувары і іншыя артысты. Некаторыя з акцёраў ужо выказалі гатоўнасць зняцца ў чарговым працягу.

Адзначым, што пракат фільмаў з серыі "Амерыканскі пірог" быў вельмі паспяховым. Так, першая частка, выдадзеная ў 1999 годзе, стала касавым феноменам і зарабіла больш за 200 мільёнаў долараў. Пазней у працяг былі выпушчаныя яшчэ два фільмы, якія таксама паказалі ўражваючыя вынікі ў пракаце.

Фота: sodahead.com