У офісе БСДГ у Гродне ператрус працягваецца

У Гродне сёння праходзіць хваля ператрусаў у офісах мясцовых філій дэмакратычных партый.  Як паведаміў у жывым эфіры Еўрарадыё грамадскі дзеяч і журналіст Уладзімір Хільмановіч, ператрусы ў офісах гарадской арганізацыі Партыі БНФ  і абласной арганізацыі АГП ужо прайшлі, цяпер працягваецца ператрус у офісе абласной арганізацыі БСДГ. Адзначым, што ўсе офісы месцяцца ў адным будынку.

Паводле слоў Хільмановіча, супрацоўнікаў КДБ цікавяць сістэмныя блокі камп'ютараў і носьбіты інфармацыі.

"Гэтыя партыі актыўна працавалі ў легальнай выбарчай кампаніі, за што цяпер пераследуюцца ўладамі", — кажа Ўладзімір Хільмановіч.