У Пінску беспрацоўных менш за 1%
У студзені беспрацоўе ў Пінску дасягнула ўзроўню 0,9%. Пра гэта паведаміла служба занятасці Пінскага гарвыканкаму.
У гэты студзені на ўліку стаяла 569 беспрацоўных пінчукоў, сярод іх 49,6% жанчын і 36,2% моладзі ва ўзросце 16—29 гадоў. На сённяшні дзень найбольш запатрабаваныя спецыяльнасці ў горадзе — высокакваліфікаваныя рабочыя, інжынеры, будаўнікі ды лекары.
