У Пінску лавілі дыверсантаў
Некалькі "дыверсійных груп" праніклі на тэрыторыю Беларусі з Украіны і спрабавалі здзейсніць "тэракт" на пінскай ЦЭЦ.
Як паведамляе тэлеканал “Варяг”, такая легенда была абрана для правядзення рэгіянальных вучэнняў тэрытарыяльнай абароны Брэсцкай вобласці, якія адбыліся на мінулым тыдні ў Пінску. У вучэннях прынялі ўдзел байцы Пінскага памежнага атраду, брыгада выратавальнікаў і супрацоўнікі аддзелу аховы ды АМАП. "Сілавікі" затрымалі ўсіх “дыверсантаў” і не далі ўзарваць энэргетычныя ўстаноўкі, ад якіх залежыць праца прадпрыемстваў сталіцы Палесся.
Паводле словаў арганізатараў, падобныя вучэнні адбудуцца і ў іншых гарадах Брэстчыны.
Фота — bymedia.net
