У Пінску з’явілася “водная міліцыя”

"Водную міліцыю" арганізуюць у Пінску. Яна мусіць дапамагчы ў змаганні з п'янымі дэбашырамі на гарадскіх пляжах.  Як аказалася, традыцыйныя пешыя міліцэйскія патрулі на пляжах выявіліся немабільнымі. А выратавальная служба на вадзе не мае паўнамоцтваў "для папярэджвання правапарушэнняў". Таму было вырашана рабіць супольнае патруляванне. У патруль водных выратавальнікаў дадаюцца два міліцыянты. Такі патрульны катэр будзе працаваць у Пінску ўвесь купальны сезон.

Глеб Паўлоўскі, Еўрарадыё, Пінск