У Пінску з’явіўся энерганезалежны завод

Пінскі “Завод пуцявых машын”, які належыць беларускай чыгунцы, усталяваў сонечны калектар.
Цяпер вада для тэхнічных патрэб награваецца пры дапамозе сонечных батарэй, што дазволіла адмовіцца ад паслуг мясцовай ЦЭЦ.

Кіраўніцтва завода цікавіцца навінкамі энергазберажэння, што дазваляе знізіць сабекошт прадукцыі. Наступны ход – выкарыстоўванне геатэрмальных тэхналогій.

Так што ў хуткім часе, упершыню ў Беларусі, “Завод пуцявых машын” стане энерганезалежным, выкарыстоўваючы энергію зямлі і сонца.