У Полацку ўсталявалі “Дошку ганьбы”

Колькі дзён ужо на прыпынку грамадскага транспарту каля прадпрыемства “Мона” ў Полацку стаіць міліцэйскі стэнд, які месцічы празвалі “Дошкай ганьбы”. 
На ёй гарадскі аддзел міліцыі размясціў фотаздымкі і прозвішчы тых, хто неаднаразова трапляў у выцвярэзнік, у п’яным выглядзе кіраваў аўтамабілям, сямейных скандалістаў і так званых “нядбайных бацькоў”.  

Праваахоўныя органы вырашылі такім чынам прыцягнуць увагу да праблем правапарушэнняў і алкагалізацыі. Аднак большасць гараджан абураная такім ўмяшаннем у прыватнае жыццё няхай нават не самых лепшых прадстаўнікоў грамадства.