У порце Генуі карабель урэзаўся ў будынак: ёсць ахвяры
Прынамсі тры чалавекі загінулі, калі карабель сутыкнуўся з дыспетчарскай вышкай у порце італьянскага горада Генуя.
Як адзначае ВВС са спасылкай на неафіцыйныя крыніцы, пацярпелі шэсць чалавек. Афіцыйныя крыніцы лік пацярпелых ці зніклых без вестак не паведамляюць.
Інцыдэнт адбыўся, калі карабель Jolly Nero выходзіў з порта Генуі. На момант сутыкнення ў дыспетчарскай вышцы знаходзіліся прынамсі 10 чалавек. Вежа ад удару часткова абрынулася, а яе астатняя частка адхілілася пад кутом у 45 градусаў.
Пракуратура Генуі пачала расследаванне інцыдэнту.
Фота — STR/AFP
