У салігорскі ваенкамат прыйшоў мужчына са снарадам у руках

Са снарадам у руках прыйшоў у салігорскі ваенкамат мясцовы жыхар. Ён патлумачыў, што знайшоў боепрыпас каля былога вайсковага палігона і ў багажніку аўтамабіля прывёз у горад.  Прычым, у ваенкамат мужчына зайшоў не для таго, каб здаць снарад, а для... кансультацыі. Ён хацеў даведацца, ці можна паставіць яго каля хаты ў якасці сувеніра.

Супрацоўнікі выклікалі сапёраў, якія на грузавіку, з захаваннем мераў бяспекі, вывезлі боепрыпас у кар'ер і ліквідавалі, паведамляе "Народная газета".