У Тунісе дэманстрантаў разагналі слезацечным газам
У ноч з чацвярга на пятніцу паліцыя Туніса ўжыла слезацечны газ для разгону дэманстрацый у некалькіх гарадах краіны.
Гэтыя акцыі праходзяць пасля забойства апазіцыйнага палітыка Махамеда Брахмі.
Ён узначальваў апазіцыйную левую нацыяналістычную партыю "Народны рух". Брахмі быў забіты ў чацвер каля свайго дома ў сталіцы Туніса адзначае ВВС.
Падчас пратэстаў у горадзе Сідзі-Бузід, дзе нарадзіўся Брахмі і пачаліся падзеі арабскай вясны, быў падпалены офіс кіруючай партыі "Ан-Нахда". Лідар партыі Рашыд Ганушы раней адпрэчыў абвінавачванні ў датычнасці да забойства Брахмі. Ён заявіў, што тыя, хто стаіць за злачынствам, спрабуюць перашкодзіць Тунісу здзейсніць пераход да дэмакратыі.
Паўгода таму забойства іншага туніскага апазіцыянера — Шакры Белаіда — выклікала беспарадкі ў краіне і прывяло да адстаўкі прэм'ер-міністра Хамадзі Джэбалі.
Фота — ru.euronews.com
