У Ваўкавыску былы дэсантнік напаў на студэнтаў
Аднаго з іх зламыснік збіў. Распачатая крымінальная справа.
У Ваўкавыску 22-гадовы былы дэсантнік напаў на дваіх студэнтаў. Ён быў п'яны, чапляўся да іх каля крамы. Спачатку абышлося без цялесных пашкоджанняў, але калі студэнты выйшлі з крамы, зламыснік збіў аднаго з іх. Пацярпелы звярнуўся ў міліцыю. Ужо праз дзве гадзіны праваахоўнікі ведалі прозвішча хулігана, інфармуе прэс-служба міліцыі Гродзенскай вобласці.
Як можна меркаваць, яго яшчэ не затрымалі. Крымінальная справа распачатая па артыкуле "хуліганства".
Здымак з архіву. Фота: Еўрарадыё
