У Віцебску на подыум выйшлі бабулі-панкі
Вы калі-небудзь бачылі шасцідзесяцігадовую бабулю “іракезам”тырчма, у строях, аздобленых вялізарнымі булаўкамі, значкамі ды ланцугамі? Ды яшчэ каб бабуля ва ўсім гэтым вар’яцтве выглядала як сапраўдная лэдзі? Калі не бачылі, значыць, вы не былі ў Віцебску на “Белай Амфары”. На конкурсе мадэльераў-дызайнераў, які праходзіў тут з 17 па 20 траўня, калекцыя Сашы Томсена з Нямеччыны пад назвай “That’s why the lady is a punk” стала, бадай, самай хуліганскай. Вось вам і “характар нардычны, ураўнаважаны”! Апрануўшы ў стылі панк пяць жанчын ва ўзросце ад 55 да 65 гадоў, з якіх ні адна не з’яўляецца прафесійнай манекеншчыцай, Саша атрымаў другую прэмію ў намінацыі “У рытме жыцця” і ашаламляльны поспех у гледачоў. З яго прыкольнымі мадэлямі нават фатаграфаваліся на памяць.
Паводле самога нямецкага мадэльера, ён зрабіў калекцыю для сталых нефармалак не проста так, а намагаючыся даследаваць перспектыўны рынак. Еўропа старэе, якасць жыцця тамтэйшых пенсіянераў павышаецца, і ўсё большая частка лэдзі постбальзакаўскага ўзросту застаюцца маладымі душой.
Гран-пры конкурсу мадэльераў-дызайнераў паехаў у Іванава. Дзве расійскія студэнткі, Святлана Грудачкіна ды Яўгенія Ярмілава, атрымалі вышэйшую ўзнагароду за калекцыю “Белая Бэла - Чорная Бэла”. Калекцыю яны рабілі ў намінацыі “Шагал з Віцебску ў Парыж”, прысвечанай 120-годдзю з дня нараджэння Майстра. Дарэчы, дзяўчаты ўпершыню бяруць удзел у конкурсе мадэльераў. А калекцыю, як расказала Жэня, зрабілі таму, што… знайшлі на дарозе рулон чорнай тканіны. У рулоне аказалася тысяча метраў.
З іх і вырашылі пашыць калекцыю на конкурс. Каб зразумець, што ж гэта за з’ява ў сусветнай культуры - Шагал - дзяўчаты не толькі вывучалі яго творы, але і чыталі ўсё, што здолелі знайсці. Асабліва ўразілі іх лісты Шагала да Бэлы. З гэтых лістоў і нарадзілася чорна-белая калекцыя.
На “Белай Амфары” традыцыйна праводзіўся конкурс мадэльных агенцтваў. У апошні час, у святле барацьбы з гандлярамі людзьмі, конкурс агенцтваў ціхенька памёр. Але застаўся конкурс манекеншчыц і деманстратараў. Максіму Браўнову, які атрымаў узнагароду як лепшы дэманстратар адзення, па водгуках журы, не сорамна паказацца нават на лепшых подыумах Парыжа.
Ядвіга Сташэўская, Еўрарадыё, Віцебск.
Паводле самога нямецкага мадэльера, ён зрабіў калекцыю для сталых нефармалак не проста так, а намагаючыся даследаваць перспектыўны рынак. Еўропа старэе, якасць жыцця тамтэйшых пенсіянераў павышаецца, і ўсё большая частка лэдзі постбальзакаўскага ўзросту застаюцца маладымі душой.
Гран-пры конкурсу мадэльераў-дызайнераў паехаў у Іванава. Дзве расійскія студэнткі, Святлана Грудачкіна ды Яўгенія Ярмілава, атрымалі вышэйшую ўзнагароду за калекцыю “Белая Бэла - Чорная Бэла”. Калекцыю яны рабілі ў намінацыі “Шагал з Віцебску ў Парыж”, прысвечанай 120-годдзю з дня нараджэння Майстра. Дарэчы, дзяўчаты ўпершыню бяруць удзел у конкурсе мадэльераў. А калекцыю, як расказала Жэня, зрабілі таму, што… знайшлі на дарозе рулон чорнай тканіны. У рулоне аказалася тысяча метраў.
З іх і вырашылі пашыць калекцыю на конкурс. Каб зразумець, што ж гэта за з’ява ў сусветнай культуры - Шагал - дзяўчаты не толькі вывучалі яго творы, але і чыталі ўсё, што здолелі знайсці. Асабліва ўразілі іх лісты Шагала да Бэлы. З гэтых лістоў і нарадзілася чорна-белая калекцыя.
На “Белай Амфары” традыцыйна праводзіўся конкурс мадэльных агенцтваў. У апошні час, у святле барацьбы з гандлярамі людзьмі, конкурс агенцтваў ціхенька памёр. Але застаўся конкурс манекеншчыц і деманстратараў. Максіму Браўнову, які атрымаў узнагароду як лепшы дэманстратар адзення, па водгуках журы, не сорамна паказацца нават на лепшых подыумах Парыжа.
Ядвіга Сташэўская, Еўрарадыё, Віцебск.
