У выніку ДТЗ ва Украіне загінуў беларускі кіроўца

Беларускі кіроўца, 30-гадовы жыхар Брэсцкай вобласці, загінуў у выніку дарожна-транспартнага здарэння пад Вінніцай, паведамляе БЕЛТА.

Паводле інфармацыі следчага ўпраўлення МУС Украіны па Вінніцкай вобласці, трагедыя адбылася 12 верасня каля 6 гадзін раніцы на аўтадарозе Магілёў - Падольскі - Жытомір. Рухаючыся на грузавым аўтамабілі IVECO у бок Вінніцы, беларускі кіроўца з'ехаў у кювет і перавярнуўся. Ад траўмаў мужчына загінуў на месцы.

Праваахоўнымі органамі Вінніцкай вобласці ўсталёўваюцца прычыны аварыі. Сітуацыю кантралюе консульская служба беларускага дыппрадстаўніцтва ва Ўкраіне.