У Заслаўі з’явіцца помнік беларускай бульбіне

У Заслаўі плануецца ўзвядзенне помніка беларускай бульбіне.
Як паведаміла спецыяліст па гісторыка-культурнай спадчыне аддзела культуры Мінскага райвыканкама Святлана Жданава, праект, ініцыятарам якога выступіла газета "Рэспубліка", "закліканы ўвекавечыць адмысловае дачыненне беларусаў да галоўнага нацыянальнага прадукта".

Па яе словах, у адпаведнасці з рашэннем Мінскага райвыканкама ў Міністэрства культуры накіраваны ліст з просьбай узгадніць устаноўку помніка са спецыялістамі ўпраўлення па ахове гісторыка-культурнай спадчыны і рэстаўрацыі. У выпадку станоўчых вынікаў сярод мастакоў будзе праведзены конкурс на лепшы праект помніка.