У Жодзіне выкрадзены прадпрымальнік

5 жніўня ў Жодзіна быў выкрадзены чалавек. Двое злачынцаў павезлі яго ў невядомым накірунку і неўзабаве прад'явілі жонцы рахунак. У той жа дзень жанчына звярнулася ў міліцыю. Яна распавяла, што ў 10:00 быў выкрадзены яе муж, індывідуальны прадпрымальнік.
 
Выкрадальнікі мелі за мэту “выбіць” з бізнэсоўца пазыку. Падчас правядзення аператыўна-вышуковых мерапрыемстваў супрацоўнікі міліцыі выявілі асобы злачынцаў. Іх імёны пакуль не паведамляюцца, але вядома, што гэта не грамадзяне Беларусі.

Выкрадзены ж, па аператыўных звестках, знаходзіцца дзесьці на тэрыторыі краіны. Вядзецца яго вышук, па факце выкрадання распачатая крымінальная справа.

"Ежедневник"