Улады Мінска спланавалі акцыянаванне

Мінгарвыканкам зацвердзіў план акцыянавання прадпрыемстваў, якія знаходзяцца ў камунальнай уласнасці, на 2011-2013 гады. У пералік прадпрыемстваў, што з унітарных ператварацца ў так званыя ААТ, трапілі Клінічны цэнтр пластычнай хірургіі і медыцынскай касметалогіі Мінска, Гарадскі малочны завод №1, ЖЭУ № 63 (Кастрычніцкі раён) і ЖЭУ-4 (Ленінскі раён).

Акрамя таго, улады Мінска маюць намер у 2011 годзе прадаць на аўкцыёнах мінарытарныя пакеты акцый двух ААТ: 22,1% ААТ "Мясамалмантаж" і 17,72% ААТ "Камволь", а таксама блакавальны пакет - 47,53% - акцый ААТ "Мінскі ПКТІ", піша АФН.