Ва Украіне комікі ствараюць Сатырычна-дэмакратычную партыю
Пра гэта ў чацвер заявіў мастацкі кіраўнік комік-трупы "Маскі" Георгій Дзяліеў.
Паводле яго слоў, "калі прафесійныя палітыкі сёння выглядаюць як клоўны, то чаму прафесійныя клоўны не могуць быць палітыкамі". У выніку Дзяліеў стаў адным з ініцыятараў стварэння новай партыі.
Як адзначае УНІАН, нягледзячы на жартаўлівую назву, планы ў партыі самыя сур'ёзныя. Найперш комікі збіраюцца прымусіць украінскіх палітыкаў выконваць свае перадвыбарчыя абяцанні: гэта і барацьба з карупцыяй, і рамонт дарог.
Дарэчы, першапачаткова планавалася новую палітычную структуру назваць "Самая дурацкая партыя Украіны", але яе арганізатары перадумалі, бо "іншыя партыі маглі пакрыўдзіцца".
Фота — ria.ru
