Ва Украіне магчымы і імпічмент Юшчанку, і датэрміновыя выбары

У Вярхоўнай Радзе Украіны ў чацвер па ініцыятыве Партыі рэгіёнаў і камуністаў зарэгістраваны праект пастановы аб пачатку працедуры імпічменту презідэнту Віктару Юшчанку. Але у “Нашай Украіне” перакананыя, што з юрыдычнага пункту гледжання імпічмент практычна немагчымы, бо патрэбная з аднаго боку падтрымка 300 дэпутатаў, прытым, што цяперашняя кааліцыяя налічвае толькі 260, а з другога - Вярхоўны Суд мусіць пастанавіць, ці утрымліваюць дзеянні прэзідэнта склад правапарушэння, якое цягне да імпічмента.

Учора ж Генеральны сакратар Савета Еўропы Тэрры Дэвіс выказаў меркаванне, што сённяшняя сітуацыя ва Украіне стала больш складанай, чым пад час яго папярэдніх сустрэчаў з украінскімі палітыкамі.

Паралельна з тым ужо 10 дзён працягваецца працэс у Канстытуцыйным судзе, у хадзе якога суддзі павінныя вызначыць адпаведнасць указу пра роспуск Вярхоўнай Рады і прызначэнне датэрміновых выбараў.

А напярэдадні ўкраінскі мінюст заявіў пра незаконнасць указу Віктару Юшчанкі, яшчэ не дачакаўшыся рашэння Канстытуцыйнага суду.