Вада ў Беларусі з наступнага года падаражэе на 25%

На 25% могуць павысіцца з 1 студзеня 2009 года ў Беларусі тарыфы на ваду і водаадвядзенне. Пра існаванне такіх планаў паведаміў міністр жыллёва-камунальнай гаспадаркі Уладзімір Белахвостаў.

Ён падкрэсліў, што ісці на гэты крок вымушае пастаянны рост цэнаў на энерганосьбіты. "Няма практычна ніводнага віда прадукцыі, які б у цяперашні час не залежаў бы ад цаны на газ, электраэнергію і іншыя энерганосьбіты", - цытуе словы міністра БЕЛТА.