Вадзім Дзевятоўскі стаў "Чалавекам года Віцебшчыны"

Спартовец Вадзім Дзевятоўскі ўганараваны званнем "Чалавек года Віцебшчыны". Такое рашэннем прыняў Віцебскі аблвыканкам. Агулам званне "Чалавек года" атрымалі 100 жыхароў вобласці. Урачыстая цырымонія ўзнагароджання адбудзецца 14 лютага ў Віцебску. На яе запрошаныя ўсе лаўрэаты, уключаючы заслужанага майстра спорту Беларусі, неаднаразовага чэмпіёна свету Вадзіма Дзевятоўскага.

Нагадаем, што рашэннем дысцыплінарнай камісіі Міжнароднага алімпійскага камітэта вынікі беларускіх кідальнікаў молата Вадзіма Дзевятоўскага і Івана Ціхана, паказаныя імі на Алімпіядзе-2008, ануляваныя. Аднак спартоўцы маюць намер даказваць сваю невінаватасць у Спартовым арбітражным судзе ў Лазане.

БЕЛТА