Вакаліст AC/DC запісаўся з дзіцячым хорам

Фронтмэн AC/DC Браян Джонсан узяў удзел у незвычайным праекце:  рокер запісаўся разам з дзіцячым хорам для складанкі «Love & Peace - Greatest Hits For Kids», выдадзенай лэйблам Music for Little People 15 сакавіка. У выкананні Браяна гучыць песня пад назвай «If I Had A Hammer».

Music for Little People спецыялізуецца на альбомах для «сямейнага» праслухоўвання – у тым ліку і музыкі для самых маленькіх.

Традыцыйна для працы над сваімі праектамі рэкордынг прыцягвае прызнаных зорак шоў-бізнесу. У цяперашняй складанцы, апроч песні з удзелам Браяна Джонсана, можна таксама пачуць кампазіцыі, запісаныя Фэйт Хіл (Faith Hill), Вілі Нэльсанам і Los Lobos.

Фота: antiquiet.com