Вікторыя Азаранка выйшла ў паўфінал турніру ў Сіднэі

У адзінкавым разрадзе тэніснага турніру ў аўстралійскім Сіднэі беларуска Вікторыя Азаранка выйшла ў паўфінал спаборніцтваў. У чвэрцьфінале, як паведамляе "Прессбол", яна абыграла Дамініку Цыбулкаву са Славакіі — 2:6, 6:2, 7:5.

У паўфінале турніру Азаранка згуляе з пераможцай пары Алена Дзяменцьева — Дынара Сафіна (абедзве з Расіі).

Прызавы фонд турніру складае 600 тысяч долараў.