Вікторыя Азаранка захавала ў рэйтынгу WTA 11-е месца

11-е месца захавала беларуская тэнісістка Вікторыя Азаранка ў абноўленым рэйтынгу Жаночай тэніснай асацыяцыі, які быў апублікаваны ў панядзелак. На яе рахунку 3406 ачкоў. Лідыруе па-ранейшаму амерыканка Серэна Ўільямс, у якой 9432 ачкі.   Беларуска Вольга Гаварцова захавала за сабой у рэйтынгу 58-е месца, а Настасся Якімава - 95-е.

У чэмпіёнскай гонцы WTA Азаранка займае 8-е месца, а лідыруе ў ёй усё тая ж Серэна Ўільямс.