Вольга Барабаншчыкава прызначана старшым трэнерам
Па рашэнні
Беларускай тэніснай асацыяцыі Вольга Барабаншчыкава прызначана на пасаду
старшага трэнера. Пра гэта паведаміла яе прэс-аташэ Людміла Васілевіч.
Барабаншчыкава вядомая як тэнісістка, поп-выканаўца і вядучая. Развіццю яе
спартыўнай кар'еры перашкодзіла траўма.
У далейшых планах
новага трэнера — праца са старэйшай зборнай Кубка Федэрацыі. Пры гэтым тэнісная
асацыяцыя прыцягвае Вольгу не толькі да трэнерскай працы.
Паводле слоў
дырэктара асацыяцыі Сяргея Лапцуева, Барабаншчыкава ўжо выступала ў якасці
каментатара на Кубку Дэвіса.
Апрача таго, яна таксама з'яўляецца галоўным
дарадцам старшыні Мінгарвыканкама Міхаіла Паўлава па спартыўных пытаннях, што
тычацца тэнісу. Разам з тым Барабаншчыкава заяўляе аб намеры сумяшчаць сцэну,
тэлебачанне і тэніс.
