Вячаслаў Кебіч выдаў кнігу палітычных успамінаў

Былы прэм’ер-міністр Беларусі Вячаслаў Кебіч выдаў свае мемуары. Кніга праз некалькі дзён павінна з’явіцца ў продажы. Яе афіцыйная прэзентацыя прызначана на люты.

Успаміны атрымалі назву “Спакушэнне ўладай”. Як прызнаўся ў інтэрв’ю Еўрардыё сам Вячаслаў Кебіч, кніга носіць больш публіцыстычны і палітычны характар, чым мемуарны.

Вячаслаў Кебіч: “Пра сваё жыццё я пішу вельмі мала. У асноўным пішу пра падзеі, што разгортваліся вакол мяне да развалу Савецкага Саюза па сённяшні дзень. Таму кніга носіць больш публіцыстычны характар, я б нават сказаў палітычны, чым мемуарны”.

Поўнае інтэрв’ю Вячаслава Кебіча з нагоды выхаду яго кнігі ўспамінаў слухайце ў бліжэйшыя нядзелю і панядзелак а 8-й гадзіне раніцы, у панядзелак а 17-й у праграме “Відавочца тыдня” або чытайце на нашым сайце.