Вясковец смаліў тушу свінні і загарэўся сам
Здарэнне адбылося ўвечары 12 жніўня ў Драгічынскім раёне.
Як паведамляе сайт tomin.by, у вёсцы Гнілец мужчына апрацоўваў тушу жывёлы газавай гарэлкай і выпадкова перакуліў прыладу на сябе. Сінтэтычная кашуля на ім імгненна загарэлася.
У выніку 50-гадовы мужчына атрымаў сур'ёзныя апёкі І-ІІ ступені. Вясковец апаліў на 15 адсоткаў цела: агонь пашкодзіў твар, рукі і левае перадплечча. Пацярпелага шпіталізавалі ў цэнтральную раённую бальніцу.
Фота — nn.by
