Выбух у Гомельскім дзяржуніверсітэце імя Скарыны
Ён адбыўся раніцай 8 траўня ў лабараторыі аднаго з карпусоў гэтага ВНУ.
Як інфармуе БелаПАН, надзвычайнае здарэнне адбылося падчас доследаў, якія праводзіў навуковы супрацоўнік. У яго руках адбыўся выбух колбы без наступнага гарэння. З рэзанай ранай рукі супрацоўнік універсітэта дастаўлены ў бальніцу, яго шпіталізавалі, іншых пацярпелых няма.
Абставіны здарэння высвятляюцца, праводзіцца праверка.
Фота — Fotolia
