Выкладчыкаў БНТУ злавілі на хабары

Міністэрства ўнутраных спраў выявіла шматлікія факты атрымання хабару ў Беларускім нацыянальным тэхнічным універсітэце, піша АФН.

За здачу 6 студэнтамі іспытаў адзін выкладчык гэтай навучальнай установы  атрымаў 420 долараў ЗША. Другі вымагаў хабар у памеры 2100 долараў  за здачу 47 студэнтамі іспытаў па яго прадмеце. Пракуратура Мінска распачала супраць абодвух  выкладчыкаў крымінальныя справы паводле артыкулу "Атрыманне хабару". Былыя выкладчыкі арыштаваныя і знаходзяцца ў СІЗА.