Выратавальнікі Віцебшчыны шукаюць лебядзёў
«Чатыры дні запар супрацоўнікі
Шумілінскага раённага аддзела па надзвычайных здарэннях ратуюць чараду лебядзёў. Першы званок выратавальнікі атрымалі у
пятніцу, 26 студзеня.
Жыхары пасёлка Прыазёрны паведамілі, што 36 птушак
прымёрзлі да лёду на Шумілінскім возеры.
Выратавальнікі вызвалілі птушак з ледзянога палону. У той дзень шумілінскім
выратавальнікам давялося выязджаць па падобных выкліках яшчэ некалькі разоў.
Але гісторыя на гэтым не скончылася. Чарада птушак, якую выратавалі на
Шумілінскім возеры, яшчэ некалькі разоў трапляла ў непрыемнасці на іншых
азёрах.
Нарэшце, выратавальнікі вырашылі адлавіць птушак ды адвезці іх у
Новалукомль, дзе побач з гідраэлектрастанцыяй ёсць водасховішча, вада у якім
не замярзае, ці на Гарадоцкую птушкафабрыку, каб лебядзёў прытулілі там да
вясны.
Але перш чым адлавіць, небарак трэба адшукаць, чым зараз і займаюцца
выратавальнікі».
