Вызначыліся саперніцы беларусак на чэмпіянаце Еўропы па гандболе

У македонскім Охрыдзе адбылося лёсаванне фінальнай стадыі жаночага гандбольнага чэмпіянату Еўропы. Зборная Беларусі трапіла ў групу “С” разам з камандамі Расіі, Швецыі і Аўстрыі.
У асноўны раўнд, дзе працягнецца барацьба за медалі, выйдуць па тры лепшыя каманды групы. Пры гэтым выхадцы з групы "А" складуць шасцёрку з прадстаўнікамі групы "В", а каманды з квартэта "С" — з "D". Фінальны турнір пройдзе з 2 па 14 снежня.

Група "А": Францыя, Венгрыя, Данія, Румынія.

Група "В": Нарвегія, Партугалія, Іспанія, Украіна.

Група "С": Расія, Швецыя, Аўстрыя, Беларусь.

Група "D": Нямеччына, Харватыя, Македонія, Сербія.

"Прессбол"