Яшчэ 700 мінчукоў – і мінчукоў будзе 1 мільён 800 тысяч

Згодна са звесткамі Мінскага гарадскога ўпраўлення статыстыкі, 1 сакавіка ў Мінску было 1 мільён 799 тысяч 300 жыхароў.

За першыя 2 месяцы 2007-га ў сталіцы Беларусі нарадзіліся 2,892 дзіцяці, што на 11,4 адсоткі больш, чым за два першыя месяца 2006 года.

На жаль, у параўнанні з аналагічным перыядам мінулага года на 3,6 адсоткі павялічылася колькасць памерлых. Агенцтва “Минск-Новости” паведамляе, што за студзень-люты памерла амаль 3,000 мінчукоў.

З пачатку цяперашняга года мінчукамі сталі 4.800 чалавек. З агульнай колькасці тых, хто прапісаўся ў сталіцы больш за 90 адсоткаў – жыхары нашай краіны, 4,5 адсоткі – расейцы, адзін адсотак – украінцы.