Юбілей класічнага альбома Хендрыкса адзначаць перавыданнем

Гуказапісваючая кампанія Universal перавыдае альбом Джымі Хендрыкса "Electric Ladyland", упершыню выдадзены 40 гадоў таму, паведамляе Blabbermouth.net. Выдадзеная ў 1968 годзе плытка стала апошнім альбомам гурта The Jimi Hendrix Expirience і ўтрымлівала такія класічныя хіты Хендрыкса, як "All Along The Watchtower", "Crosstown Traffic", "Voodoo Chile" і "Burning of the Midnight Lamp". Апроч таго, гэта адзіны альбом легендарнага гітарыста, які заняў першае месца ў хіт-парадзе Billboard.

Плыта будзе выдадзена ў камплекце з DVD 9 снежня.

Апроч гэтага ў продаж паступіць яшчэ адзін DVD пад назвай "At Last… The Beginning: The Making of Electric Ladyland", на якім будзе запісаны дакументальны фільм 1997 года аб гісторыі стварэння альбома, які перамяжоўваецца згадкамі калегаў Хендрыкса Ноэля Рэдзінга, Мітча Мітчэла, Чэса Чеэдлера, Бадзі Майлза і Эддзі Крамера.

Фота: Фрагмент вокладкі "Electric Ladyland"