Юрый Жаўноў неўзабаве адновіць трэніроўкі пасля траўмы

Варатар зборнай Беларусі па футболе неўзабаве пачне трэніравацца разам з расійскім клубам “Масква”. Нагадаем, траўму галкіпер атрымаў у мінулую суботу падчас матчу Беларусь — Люксембург, калі наша каманда прайграла 0:1. У сутыкненні адзін з гульцоў гасцей ударыў Жаўнова нагой па галаве.

Як паведаміў лекар “Масквы”, варатару наклалі швы, абышлося без страсення мазгоў, таму ён зможа трэніравацца ўжо ў бліжэйшыя дні.

“Савецкі спорт”