Юшчанка адклаў парламенцкія выбары да наступнага года

Прэзідэнт Украіны Віктар Юшчанка зрабіў заяву, з якой вынікае, што датэрміновыя выбары ў Вярхоўную Раду адбудуцца ўжо ў наступным годзе, а не сёлета ў снежні, як планавалася раней.
У прыватнасці ён заявіў, што было б неразумным праводзіць выбары падчас навагодніх святаў, паведамляе AFP.

Нагадаем, Юшчанка абвясціў аб роспуску парламента ў пачатку кастрычніка, праз месяц пасля распаду "аранжавай" кааліцыі. Датэрміновае галасаванне было прызначана на 7 снежня.