З цэнтралізаванага тэставання “знялі” каля 2 тысяч абітурыентаў

У беларускiх абiтурыентаў застаўся тыдзень для таго, каб зарэгiстравацца для ўдзелу ў цэнтралiзаваным тэставаннi.
За гэты час яшчэ можна здаць свой пропуск цi абмяняць яго на пропуск па iншай дысцыплiне. На пачатак гэтага тыдня было выдадзена ўжо больш за 400 тысяч пропускаў на тэставанне.

Пра гэта паведаміў дырэктар Рэспублiканскага iнстытута кантролю ведаў Мiкалай Фяськоў.

Па яго словах, сярод прайшоўшых рэгiстрацыю было выяўлена 1,5 тысячы дзесяцiкласнiкаў, якiя не маюць права здаваць цэнтралiзаванае тэставанне.

Таксама не будуць дапушчаныя да ўдзелу ў тэставанні каля паўсотні абітурыентаў, якія займелі дадатковыя пропускі на больш чым тры тэставыя выпрабаванні.

Газета “Звязда”