З Чарнобыльскай зоны ўцяклі коні Пржэвальскага (фота, відэа)
Іх пабачылі ў вёсцы Дзіцяткі ў Кіеўскай вобласці на мяжы 30-кіламетровай зоны адчужэння.
Як вядома, яна агароджаная металічным дротам і ахоўваецца кантрольна-прапускнымі пунктамі. Тым не менш, двое коней нейкім чынам выйшлі з зоны. Мясцовыя жыхары паведамілі ў міліцыю, якая злавіла коней і пераправіла іх назад у зону, паведамляе Еспресо.TV.
Нагадаем, коні Пржэвальскага былі завезеныя на тэрыторыю Чарнобыльскай зоны для размнажэння ў канцы ХХ стагоддзя. Цяпер іх там налічваецца каля 100.
