З-пад завалаў гаража ў Маскве дасталі грамадзянаў Беларусі

Выратавальнікі дасталі 4 пацярпелых з рознымі траўмамі з-пад завалаў абрынутага гаража ў Маскве. Усе выратаваныя — грамадзяне Рэспублікі Беларусь, паведамілі расійскія выратавальнікі. Па звестках МНС, людзей пад заваламі не засталося.  Трое пацярпелых былі шпіталізаваныя. У дваіх з іх пераломы хрыбта, костак, закрытыя чэрапна-мазгавыя траўмы. Іх стан ацэньваецца як цяжкі. Яшчэ аднаго мужчыны — як сярэдняй цяжкасці. У чацвёртага пацярпелага пераломам лодыжкі, яму аказаная першая медыцынская дапамога.

Як перадае "Інтэрфакс", падземная стаянка, дзе адбыўся абвал, з'яўляецца часткай дзелавога цэнтра, які будуецца на тэрыторыі Маскоўскага фурнітурнага заводу.