За выходныя ў Мінску абмарозіліся 2 чалавекі

За выходныя да лекараў у Мінску звярталіся два чалавекі з выпадкамі абмаражэння. Пра гэта Еўрарадыё паведаміў намеснік галоўнага лекара Мінскай лякарні хуткай дапамогі Ігар Шыманскі. Абодва выпадкі былі не вельмі сур'ёзныя: Шыманскі: "Толькі двое звярталіся за выходныя. Але там не цяжкая халадавая траўма ў іх. Не былі шпіталізаваныя".

Сіноптыкі кажуць, што неўзабаве варта чакаць больш моцных маразоў.