Замарожаныя эмбрыёны ў праграму імпартазамяшчэння не трапілі

У наступным годзе Віцебская вобласць пачне імпартаваць замарожаныя эмбрыёны буйной рагатай жывёлы. Як прызнаўся "Камсамолцы" начальнік упраўлення жывёлагадоўлі Віцебскага аблсельгаспрада Уладзімір Машэра, Беларусь, напэўна, адзіная краіна, дзе адна і тая ж парода кароў выкарыстоўваецца для вытворчасці як малака, так і мяса. У той час як ва ўсім свеце мясныя і малочныя пароды гадуюць асобна.

Дзеля паляпшэння генетычнага патэнцыялу беларускіх кароў выбралі малочную голштынскую пароду. Пакуль не вырашылі, адкуль будуць імпартавацца эмбрыёны. На іх пастаўку аб'явяць тэндар.